Ta`lim sifatini nazorat qilish bo'limi

O‘zbekiston xalqaro islomshunoslik akademiyasi

Ta’lim sifatini nazorat qilish bo‘limi (TSNQB) faoliyati to‘g‘risida

Ta‘lim sifatini nazorat qilish bo‘limi O‘zbekiston xalqaro islomshunoslik akademiyasida ta’lim jarayonlarining samaradorligini tizimli monitoring qilish, davlat ta’lim standartlari (DTS) va malaka talablarining ijrosini ta’minlash, shuningdek, boshqaruv hamda pedagogik faoliyat sifatini muttasil oshirib borish maqsadida tashkil etilgan tuzilmadir. Bo‘lim o‘z faoliyatini milliy normativ-huquqiy hujjatlar, xalqaro akkreditatsiya mezonlari hamda zamonaviy mehnat bozori va kadrlar iste’molchilarining raqobatbardosh kadrlarga bo‘lgan real ehtiyojlari asosida tashkil etadi.

Bo‘limning fundamental funksiyalari va strategik yo‘nalishlari:

• Akademik jarayonlar va pedagogik faoliyat monitoringi: Professor-o‘qituvchilar tarkibining shaxsiy ish rejalari me’yoriy hujjatlarga muvofiq shakllantirilishini ta’minlaydi; o‘quv yuklamalarining adolatli taqsimoti, dars mashg‘ulotlarining metodologik saviyasi, samaradorligi va sifatini doimiy ravishda tahliliy baholab boradi.
• Kadrlar salohiyati va professional kompetensiya ekspertizasi: Kafedralarga pedagogik faoliyat uchun jalb etilayotgan nomzodlarning sinov darslarini kuzatish orqali takliflar tayyorlaydi. Professor-o‘qituvchilarning tayanch oliy ma’lumotlari mutaxassislik fanlariga mosligini hamda ularning davriy ravishda (har 3 yilda) malaka oshirish va qayta tayyorlash kurslaridan o‘tganligini sertifikatlar asosida tahlil qiladi.
• O‘quv-uslubiy hujjatlar va dasturlar: Ta’lim yo‘nalishlari va mutaxassisliklar kesimida tayyorlangan malaka talablari, o‘quv rejalari va fan dasturlarining kasbiy standartlar bilan o‘zaro integratsiyasini (muvofiqligini) tahlil qiladi hamda ularni takomillashtirish strategiyalarini ishlab chiqadi.
• Raqamli ta’lim muhiti va raqamli monitoring: HEMIS axborot tizimi va Akademiyaning masofaviy ta’lim platformalaridan (www.hemis.iiau.uz, www.lms.iiau.uz, www.estudy.iiau.uz) foydalanish darajasini nazorat qiladi. Platformalarda elektron ta’lim resurslarining joylashtirilishi, zaruriy o‘quv-uslubiy hujjatlarning mavjudligi va talabalar davomati bo‘yicha har oy yakunida fakultet va kafedralar kesimida tahliliy hisobotlar tayyorlaydi.
• Nazorat tadbirlari va shaffoflikni ta’minlash: Akademik kalendar hamda o‘quv jarayoni jadvaliga muvofiq, oraliq va yakuniy nazorat imtihonlarini, shuningdek, Yakuniy davlat attestatsiyasi (YaDA) jarayonlarini o‘rnatilgan tartibda, shaffof va obyektiv o‘tkazilishini bevosita nazoratga oladi. Ta’lim sifatini baholash maqsadida talabalar o‘rtasida so‘rovnomalar o‘tkazadi. Shuningdek, bitiruvchilarning kadrlar bozoridagi o‘rni, ularga bo‘lgan real ehtiyoj hamda asosiy ish beruvchilarning ta’lim dasturlari bo‘yicha fikr-mulohazalarini monitoring qilib, tahliliy xulosalar shakllantiradi.
• Kompleks va maxsus akkreditatsiya: Akademiyani xalqaro, milliy miqyosdagi kompleks va maxsus akkreditatsiya jarayonlariga tayyorlash ishlarini muvofiqlashtiradi. Professor-o‘qituvchilarning o‘quv, ilmiy-tadqiqot va ma’naviy-ma’rifiy yo‘nalishlardagi faoliyati samaradorligini (KPI) belgilangan mezonlar asosida baholaydi va integratsiyalashgan tahliliy ma’lumotlarni rahbariyatga taqdim etadi.
• Akademik resurslar: Axborot-resurs markazida (ARM) talaba va tadqiqotchilar uchun yaratilgan sharoitlarni, fanlar bo‘yicha zamonaviy darslik va adabiyotlar ta’minotini o‘rganadi, sohaga oid kamchiliklarni bartaraf etish bo‘yicha rahbariyatga takliflar kiritadi.

Bo‘lim xodimlari:

Bo‘lim boshlig‘i                                         Berdiyarov Ilhom Hayrullayevich

Bosh mutaxassis                                        Alibayev Inamjon Turakulovich

Bosh mutaxassis                               Ubaydullayev Shohruh Sharofiddin o‘gli

Ta’lim sifatini nazorat qilish bo‘limi (TSNQB) faoliyati taalluqli ish hujjatlari bilan tanishishingiz mumkin.