Nazariy bilimlarning amaliy namunasi

“CAEx” (Central Asian Expo Uzbekistan) xalqaro koʻrgazmalar markazida “Ipak yo‘lida turizm” bo‘lib o‘tmoqda. Ushbu tadbir O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi, Turizm qo‘mitasi, “Milliy PR-markazi” davlat unitar korxonasi hamda “Team & Co Group” kompaniyasi bilan hamkorlikda tashkil etilmoqda.

Ko'rgazmada "Islom iqtisodiyoti va moliyasi, ziyorat turizmi" kafedrasi professor-o'qituvchilari "Turizm va mehmondo'stlik" mutaxassisligi, "Turizm (ziyorat turizmi)", "Jahon iqtisodiyoti va xalqaro iqtisodiy munosabatlar" va "Islom iqtisodiyoti va moliyasi" yo'nalishlari 1-3-kurs talabalari nazariy bilimlarni amaliy tajriba bilan boyitish uchun tashrif buyurdi.

Ular yarmarkada o‘zlarining milliy stendlari bilan ishtirok etayotgan xorijiy davlatlar, mamlakatimizning milliy kompaniyalari hamda viloyatlarning taqdimotlari va maxsulotlari bilan yaqindan tanishdilar.

O‘zbekiston xalqaro islom akademiyasining rasmiy sahifalarini kuzatib boring!🔽