Akademiya talabalari Nukusda

️Joriy yilning 2-3-iyun kunlari Qoraqalpog‘iston tibbiyot institutida oliy ta’lim tashkilotlari talabalari o‘rtasida ma’naviy-ma’rifiy tadbirlar o‘tkaziladi.

️Mazkur festivalda O‘zbekiston xalqaro islomshunoslik akademiyasi talabalar teatr studiyasi ham ishtirok etmoqda.

️Bugun Akademiya talabalari Nukus shahrining diqqatga sazovor ma’naviy-ma’rifiy joylarini ziyorat qilishdi.

️Xususan, I.V.Savitskiy nomidagi Qoraqalpog‘iston davlat san’at muzeyidagi nodir eksponatlar bilan tanishishdi. 

️Mazkur muzey 1966-yilda tashkil topgan bo‘lib, xalq amaliy san’ati, qadimiy va o‘rta asrlar Xorazm san’ati, 1920-1930-yillar o‘zbek va rus tasviriy san'ati, qoraqalpoq zamonaviy rang-tasviri va haykaltaroshligi, ilmiy-ma'rifiy bo‘limlar, kutubxona (10 ming dona asar), fond hamda ta'mirlash usta-xonasiga ega. Fondida 85 mingdan ortiq eksponat mavjud.

️Akademiya talabalari ertaga Qoraqalpog‘iston tibbiyot institutida spektakl namoyishlarini o‘tkazishadi.