Yoshlar ta’lim va tarbiyasida xorijiy tillarning o‘rni

XXI asr bilim va kommunikatsiyalar asri. Butun dunyoda ijtimoiy-iqtisodiy va siyosiy vaziyatlar keskin o‘zgarib, mamlakatlar o‘rtasida raqobat kuchaygan bir pallada yoshlarimizning ta’limi, tarbiyasi va global madaniyat bilan muloqoti davlat siyosati markaziga qo‘yildi. Shu munosabat bilan O‘zbekiston Respublikasi Prezidenti Shavkat Mirziyoyev 2025-yil 26-dekabr kuni Oliy Majlis va xalqimizga yo‘llagan Murojaatnomasida yoshlar ta’limiga hamon alohida e’tibor qaratilishini ta’kidladi. 

Prezident Murojaatnomasida ta’lim sohasida amalga oshirilayotgan islohotlar, ayniqsa yoshlar uchun imkoniyatlar yaratish bo‘yicha qator muhim tashabbuslar haqida so‘z yuritildi. Yoshlarimizning ilm-fan, ayniqsa, xalqaro fan olimpiadalarida erishayotgan yutuqlari mamlakatimiz kelajagi uchun katta manfaatli bo‘lishi qayd etildi.

Shubhasiz, maktab o‘quvchilari va talabalarning chet tillarini o‘rganishga bo‘lgan intilishi va erishayotgan natijalari bizni g‘urur va iftixorga to‘ldiradi. Shu bilan birga, dunyoqarashi keng, zamonaviy bilimlar va xorijiy tillarni mukammal egallagan yoshlar jamiyat barqarorligi va taraqqiyotini ta’minlashda muhim rol o‘ynaydi. 

Ta’lim va tarbiyaning asosiy shakllaridan biri sifatida xorijiy tillarni o‘rganish davlat siyosati nuqtayi nazaridan ustuvor yo‘nalish sifatida belgilangan. Murojaatnomada xorijiy tillarni chuqur o‘zlashtirgan yoshlar global miqyosda raqobatbardosh bo‘lishiga erishish zarurati qayd etildi. Ta’lim tizimida malakali xorijiy o‘qituvchilarni jalb etish va chet tillari bo‘yicha samarali o‘quv dasturlarini joriy etish orqali talabalarning dunyo bilan muloqot salohiyati oshirilmoqda. Bu esa yoshlarimizni xalqaro mehnat bozorida talab yuqori bo‘lgan mutaxassisga aylantiradi va ularning o‘z kasbiga chuqur bilim bilan kirishish imkonini beradi. 

Bugungi globallashuv sharoitida til bilish nafaqat kommunikatsiya qudrati, balki ijtimoiy, iqtisodiy va madaniy aloqalarni mustahkamlash instrumentidir. Chet tillarini biladigan yoshlar nafaqat ilmiy hamkorlikda faol ishtirok etadi, balki xorijiy tajribani o‘zlashtirib, uni amaliyotga tatbiq etishda ham yetakchi bo‘ladi. Bu esa mamlakat innovatsion salohiyatini oshiradi hamda yosh mutaxassislarni ushbu jarayonning faqat tomoshabini emas, balki faol ishtirokchisiga aylantiradi. 

Prezidentimizning Murojaatnomasida ta’limning sifati, zamonaviy kasb-hunarlarga yo‘naltirilgan yondashuv, shuningdek, til o‘rganishga asoslangan dasturlarni kengaytirish samaradorligi milliy taraqqiyot strategiyasining markaziy o‘qi ekanligi alohida qayd etildi. Bu tashabbuslar yoshlarni dunyo miqyosida raqobatbardosh qilish, ularning nafaqat professional, balki madaniy jihatdan ham boy bo‘lishiga xizmat qiladi. Demak, chet tillarni o‘rganish bugungi yoshlarimizni global erkin muloqot yo‘lida faol ishtirok etadigan yetuk shaxsga aylantiradi. 

Umuman olganda, Prezident Murojaatnomasi yoshlarni ta’lim va tarbiyada yanada chuqur bilim bilan ta’minlash, ularning xorijiy tillarni egallashi orqali xalqaro sahnada muvaffaqiyat qozonishlarini siyosiy yo‘nalish sifatida ko‘rsatadi. Bunda nafaqat bilim olish jarayoni, balki tarbiya va madaniy qadriyatlar asosida global dunyoqarashni shakllantirish ham muhim ahamiyat kasb etadi. Bu yo‘nalish yosh avlodni butun dunyo bilan samarali bog‘lash, ularni global ijtimoiy va iqtisodiy jarayonlarda faol ishtirok etadigan etakchi shaxs sifatida tarbiyalashga xizmat qiladi. 

Barno Shamsematova,

“O‘zbek va xorijiy tillar” kafedrasi mudiri