Davra suhbati foydali va mazmunli o‘tdi

Oʻzbekiston xalqaro islom akademiyasida “O‘zbekiston – Turkiya hamkorligi: bugun va istiqbol” mavzusida ilmiy seminar bo‘lib o‘tdi. Davra suhbatida Ilmiy ishlar va innovatsiyalar bo‘yicha prorektor Zohidjon Islomov, professor-o‘qituvchilar hamda talaba-yoshlar ishtirok etdi. 

Islom iqtisodiyoti va xalqaro munosabatlar fakulteti “Xalqaro munosabatlar va ijtimoiy fanlar” kafedrasi tomonidan tashkil etilgan tadbirda O‘zbekiston Milliy axborot agentligi siyosiy sharhlovchisi Abror G‘ulomov ma’ruza qildi.

Ilmiy seminarda ikki mamlakat tarixan til, din va madaniy mushtaraklikka egaligi, bugungi kunda O‘zbekiston – Turkiya o‘rtasida siyosiy, savdo-iqtisodiy, investitsiyaviy, turizm, transport, logistika, madaniy-gumanitar va boshqa sohalarda hamkorlik munosabatlari dinamik tarzda rivojlanib borayotgani ta’kidlandi.

Xususan, O‘zbekiston Milliy axborot agentligi siyosiy sharhlovchisi Abror G‘ulomov O‘zbekiston va Turkiya o‘rtasidagi hamkorlik aloqalari tarixini, rivoji va istiqboldagi rejalar haqida so‘z yuritdi. Ayniqsa, so‘nggi yillarda ikki mamlakat rahbarlarining o‘zaro do‘stlikka asoslangan mushtarak siyosati tobora mustahkamlanib borayotgani e’tirof etildi.

O‘zaro savol-javob, samimiy tarzda o‘tgan tadbirda ishtirokchilar o‘zlari uchun foydali bilimlarga ega bo‘lishdi. 

Oʻzbekiston xalqaro islom akademiyasi 

Matbuot xizmati