Ta’lim taraqqiyoti yo‘lida

Bugun yurtimizda taʼlim tizimini yanada takomillashtirish, ertamiz vorislari boʻlgan yoshlarga sifatli bilim berish, ularni har tomonlama yetuk inson etib voyaga yetkazish yoʻlida ulkan ishlar bajarilmoqda. Mazkur islohotlarning tadrijiyligi davom etib, Prezidentimiz tomonidan joriy yilga “Insonga e’tibor va sifatli ta’lim yili” deb nom berildi.

Shu munosabat bilan O'zbekiston xalqaro islom akademiyasi “Islomshunoslik va islom sivilizatsiyasini o‘rganish ICESCO” kafedrasi dotsenti, tarix fanlari nomzodi Durbek Rahimjonov tomonidan “Ziyo-zukko” maktabi o‘quvchilariga mahorat darsi o‘tkazildi.

Akademiya o‘qituvchisi tomonidan “Maktabda olingan bilimlar hayot tayanchi” mavzusida tashkil etilgan mashg‘ulotlarda o‘quvchilarning maktabda olingan bilimlarining amaliyotda qanchalik zarurligi, kasb tanlash, o‘z ishining mutaxassisi bo‘lib yetishishida qanchalik zarurligi haqida so‘z yuritildi.

O‘zbekiston xalqaro islom akademiyasi

Matbuot xizmati