AQSHga tashrif davomida samarali uchrashuvlar o‘tkazildi

O‘zbekiston Respublikasi Prezidentining vakillik organlari, nodavlat notijorat tashkilotlar, din va yoshlar masalalari bo‘yicha maslahatchisi o‘rinbosari, O‘zbekiston xalqaro islomshunoslik akademiyasi rektori Muzaffar Kamilov boshchiligidagi delegatsiya a’zolari Amerika Qo‘shma Shtatlarining Yuta shtatida Cherkov ta’lim kengashi kotibi, rahbar o‘rinbosari Kelli Havs hamda O‘n ikki havoriy butunjahon Kengashi rahbari David Allan Bednar bilan muloqot o‘tkazdi.

Uchrashuvda yurtimizda diniy-ma’rifiy sohaga berilayotgan e’tibor yuqori baholandi.

Tashrif asnosida delegatsiya a’zolari Yuta shtati Jahon savdo markazi prezidenti Jonatan Fridman va Gardner instituti ijrochi direktori Natali Gouchnor bilan ham ko‘rishishdi.

Samimiy muloqot davomida o‘zaro hamkorlik aloqalari muhokama qilindi.

Shuningdek, safar dasturiga muvofiq, Stirling fondi rahbari Miles Hansen bilan muloqot o‘tkazildi.