Talabalar uchun Samarqand shahriga sayohat tashkil etildi

Navro‘z umumxalq bayrami munosabati bilan belgilangan dam olish kunlarini samarali va mazmunli tashkil etish maqsadida O‘zbekiston xalqaro islom akademiyasining 50 nafar xorijiy va faol talabalari uchun Samarqand shahriga ziyorat turizmi amalga oshirildi. 

Sayohat davomida talabalar “Sayqali ro‘yi zamin” deb atalmish shaharda joylashgan Mirzo Ulug‘bek rasadxonasi, Xo‘ja Doniyolbiy majmuasi, Shohizinda me’moriy kompleksi, Go‘ri Amir maqbarasi, afsonaviy Registon maydoni hamda Bibixonim madrasasini zoyarat qildilar. 

Mazkur sayohat talabalarning, ayniqsa, xorijiy talabalarning O’zbekistonning boy tarixiy-ma’naviy merosi yuzasidan bilim va ko‘nikmalari oshishiga hamda dam olish kunlarini maroqli o‘tkazishga xizmat qilgani shubhasiz.