Imom-xatiblar uchun davra suhbati tashkil etildi

O‘zbekiston xalqaro islom akademiyasi huzuridagi Malaka oshirish markazi Namangan viloyati mintaqaviy filiali professor-o‘qituvchilari hamda imom-xatib va noib-tinglovchilari uchun “Globallashuv jarayonida islomning o‘rni” mavzusida davra suhbati bo‘lib o‘tdi.

Unda Namangan viloyat hokimining Jamoat va diniy tashkilotlar bilan aloqalar bo‘yicha o‘rinbosari Jamshid Xatamov ma’ruza qildi.

Mazkur tadbirda tinglovchilarga dunyo musulmon mamlakatlarida kechayotgan ijtimoiy-siyosiy jarayonlar va uning atrofida bildirilayotgan munosabatlar haqida tushunchalar berildi. Diniy soha xodimlarining jamiyatdagi ijtimoiy hayotidagi masalalarni hal etishdagi roli va mas’uliyati haqida alohida ta’kidlandi.

Suhbat yakunida tinglovchilar mavzu yuzasidan o‘zlarini qiziqtirgan savollarga batafsil javob olishdi. 

Malaka oshirish o‘quvlari davom etmoqda.