Akademiya vakili xalqaro dasturda qatnashmoqda

O‘zbekiston xalqaro islom akademiyasi “Chet tillari” kafedrasi katta o‘qituvchisi Dilbar Hasanova Hindistonning Uttar Pradeshi shtatida joylashgan Akademik kompyuterlashtirishni rivojlantirish markazi (Centre for Development of Academic Computing (CDAC)da tashkil etilgan “Sun’iy intellekt bo‘yicha ixtisoslashtirilgan dastur” doirasida stajirovka o‘tamoqda. 

Ma’lumot uchun aytish joizki, Akademiya o‘qituvchisi 1964-yil 15-sentabrda ta’sis etilgan Hindiston texnik va iqtisodiy hamkorlik dasturi (Indian technical and economic cooperation (ITEC)ning g‘olibi sifatida mazkur dasturda ishtirok etmoqda.

Dastur doirasida sun’iy intellektdan ta’lim tizimiga tatbiq etish uchun ishlatiladigan GitHub, dockerhub va Spark kabi platformalar imkoniyatlari o‘rganildi. Shu bilan bir qatorda talabalar bajargan vazifalarni tekshirishda qo‘llaniladigan turnitin platformasining so‘ngi imkoniyatlaridan foydalanish ko‘rsatib o‘tildi. 

Bundan tashqari, loyihalarda jamoaviy ishlash va ma’lumotlarni tahlil qilishda qo‘llaniladigan platformalar imkoniyatlari ko‘rsatildi.