Malayziya islom sanʼati muzeyi – mamlakatning nodir majmuasi

Oʻzbekiston xalqaro islom akademiyasi delegatsiya aʼzolari Malayziyadagi xizmat safari yakunidagi Kuala-Lumpur shahrida joylashgan Islom sanʼati muzeyiga tashrif buyurdilar. 

Kuala-Lumpur markazida joylashgan Malayziya islom sanʼati muzeyi 30 ming kvadrat metrlik katta maydonni egallaydi.

1998-yilda ochilgan muzeyda hozirgi kunda 10 mingdan ortiq artefakt hamda islomiy sanʼatga oid kitoblarning ajoyib toʻplami saqlanadi. Koʻrgazmaga qoʻyilgan sanʼat buyumlari eng mayda zargarlik buyumlaridan tortib, Makka va Madinadagi eng katta masjidlarning dunyodagi eng katta hajmdagi maketlarini oʻz ichiga oladi.

Muzey fors va Yaqin Sharqdagi asarlarga eʼtibor qaratish oʻrniga, Osiyo mamlakatlariga urgʻu bergan. Xitoy va Janubi-Sharqiy Osiyo ayniqsa yaxshi ifodalangan. Muzeyning 12 galereyasida toʻplamning boshqa qismlari geografik kelib chiqishidan koʻra turlarga koʻra koʻrsatilgan.

Muzey binosining meʼmoriy uslubi zamonaviy boʻlib, hunarmandlar Oʻrta Osiyoning gumbaz qurishning qadimiy anʼanalarini qoʻllaganlar. 

Muzey vakili inshoot gumbazlari oʻzbekistonlik hunarmand ustalar tomonidan yaratilgan.