Talabalar xalqaro forumda ishtirok etdi

“Xalqaro ziyorat turizmi haftaligi” doirasida “O‘zbekiston – eng yaxshi musulmon-mehmondo‘stlik destinatsiyasi” xalqaro forumi bo‘lib o‘tdi.

Mazkur anjumanda O‘zbekiston xalqaro islom akademiyasining professor-o‘qituvchilari hamda “Turizm (ziyorat turizmi)” va “Dinshunoslik” ta’lim yo‘nalishi talabalari ishtirok etishdi.

Forum avvalida talabalar milliy hunarmandchilik namunalari va milliy liboslar ko‘rgazmasi bilan tanishdi. 

Shundan so‘ng xalqaro konferensiyada CrescentRating & HalalTrip tashkiloti ijrochi direktori Fazal Bahariddin, World Women Tourism tashkiloti asoschisi Dr. Nisha va boshqa xorijiy hamda mahalliy mutaxassislarning ma’ruzalari tinglandi. 

Tadbir davomida so‘zga chiqqan O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi huzuridagi Turizm qo‘mitasi Buxoro viloyati boshqarma boshlig‘i Z.Abdullayeva “Xalqaro ziyorat turizmi haftaligi” doirasida o‘tkazilayotgan tadbirlarda O‘zbekiston xalqaro islom akademiyasi jamoasi va talabalarining faol ishtirokini alohida e’tirof etdi.