Muftiy hazratga yangi o‘rinbosar tayinlandi

Shu yil 23-noyabr kuni Imom Buxoriy nomidagi Toshkent islom instituti rektori, professor Muhammadolim Muhammadsiddiqov egallab turgan vazifasidan ajralmagan holda Oʻzbekiston musulmonlari idorasi raisining Yoshlar ishlari boʻyicha oʻrinbosari lavozimiga tayinlandi.

Muhammadolim Muhammadsiddiqov Imom Buxoriy nomidagi Toshkent islom instituti, Misr Arab Respublikasining Qohira davlat universiteti va Toshkent davlat sharqshunoslik institutini tamomlagan.

Muhammadolim Muhammadsiddiqov oʻz faoliyati davomida Din ishlari boʻyicha qoʻmita boʻlim boshligʻi, Oʻzbekiston xalqaro islom akademiyasi prorektori, kafedra mudiri vazifalarida mehnat qilgan.

Siyosiy fanlar doktori (DSc), professor Muhammadolim Muhammadsiddiqov 2023-yil yanvar oyidan hozirga qadar Imom Buxoriy nomidagi Toshkent islom instituti rektori vazifasida faoliyat yuritib kelmoqda.

Alloh taolo Muhammadolim Muhammadsiddiqovga yangi lavozimdagi faoliyatida muvaffaqiyatlar ato qilsin!

Oʻzbekiston musulmonlari idorasi Matbuot xizmati