Akademiya talabalari ishtirokida “Quvnoqlar va zukkolar” ko‘rik-tanlovi o‘tkazildi

Poytaxtimizdagi Yoshlar ijod saroyida “Besh tashabbus olimpiadasi” munosabati bilan Oʻzbekiston xalqaro islom akademiyasi talabalari ishtirokida “Quvnoqlar va zukkolar” koʻrik-tanlovi o‘tkazildi. 

Unda Islom iqtisodiyoti va xalqaro munosabatlar, Islomshunoslik va Mumtoz sharq filologiyasi fakulteti talaba-yoshlari g‘oliblik uchun bellashishdi.

Tanlov Akademiya hamda Yoshlar ishlari agentligi hamkorligida tashkil etildi. 

Soʻnggi yillarda yurtimizda yoshlar uchun yaratilayotgan sharoit va imkoniyatlar koʻlami tobora ortib bormoqda. Mustaqil fikrlovchi, zamonaviy ilm-fan va kasb-hunarlarni puxta egallagan, oʻz yurti va xalqiga fidoyi barkamol avlod taʼlim-tarbiya bugun har qachongidan-da muhim. 

Ma’lumki, “Quvnoqlar va zukkolar” ko‘rik-tanlovi yoshlarimiz orasida tobora ommalashib bormoqda. Joriy yilda mazkur tanlovga 30 yil toʻladi. Bu vaqt davomida tanlovda ishtirok etgan koʻplab isteʼdodli yigit-qizlarimiz bugun jamiyatimizning faol aʼzolari safidan oʻrin olishdi. Musobaqaning qamrovi ham kengayib bormoqda. Oʻzbekiston Quvnoqlar va zukkolar assosiatsiyasi tashkil topdi. 

Unda jamoalar 3 ta shart – “Tanishtiruv”, “Biatlon” hamda “Musiqachi chiqish” bo‘yicha o‘z quvnoqliklari va zukkoliklarini namoyish etishdi. 

Yakunda Islomshunoslik fakultetining “Hoji akalar” jamoasi 3-o‘rinni, Islom iqtisodiyoti va xalqaro munosabatlar fakultetining “Iqtisodchi” jamoasi 2-o‘rinni qo‘lga kiritdi. G‘oliblik Mumtoz sharq filologiyasining “HEMIS” jamoasiga nasib etdi.

Shuningdek, “Eng quvnoq yigit” va “Eng quvnoq qiz” nominatsiyalari bo‘yicha nomzodlar aniqlandi.

G‘olib jamoaga 5 million so‘m pul mukofoti hamda diplom topshirildi. 

O‘zbekiston xalqaro islom akademiyasi

Matbuot xizmati