BAAda noyob ko‘l topildi

Birlashgan Arab Amirliklarida yangi noyob tabiiy xususiyatga ega “Pushti ko‘l” topildi, deb xabar bermoqda islam.ru sayti. Gʻayrioddiy suv rangiga ega ko‘lmakni 19 yoshli mahalliy talaba Ammar al-Farsiy topdi.

Talaba droni orqali Ras al-Xayma amirligining Al-Rams hududini suratga oldi. Noyob fotosuratlar tezda ijtimoiy tarmoqlarda tarqaldi. Howstuffworks.com veb-saytida aytib o‘tilganidek, suv “Dunaliella salina”, deb nomlangan bir hujayrali suv o‘tlari va sho‘r suvda ko‘payadigan xalobakteriyalar tufayli pushti rangga ega bo‘ladi.

Ras al-Xayma atrof-muhitni rivojlantirish bo‘yicha bosh direktori doktor Seyf al-Gays bu haqida shunday fikrlarni ta’kidlab o‘tdi:

– Qizil suv o‘tlarining ko‘payishi sababli suv pushti rangga aylanib bormoqda. Bu yerda 4000 mingdan ortiq tur mavjud.