Chempion bilan uchrashuv

O‘zbekiston xalqaro islom akademiyasida “Chempion bilan uchrashuv” loyihasi doirasida xalqaro toifadagi sport ustasi, sambo va oʻzbek kurashi boʻyicha jahon chempioni Akobir Qurbonov bilan davra suhbati o‘tkazildi.

Akobir Qurbonov 1975-yilning 29-iyulida Buxoroda tug‘ilgan. Sambo bo‘yicha to‘rt karra Osiyo chempioni, Jahon Universiadasi g‘olibi, Jahon kubogi sohibi, Jahon chempioni. Milliy kurash bo‘yicha jahon chempioni. “O‘zbekiston iftixori” faxriy unvoni hamda “O‘zbekiston belgisi” ko‘krak nishoni bilan taqdirlangan. 

Davra suhbati davomida Akobir Qurbonov erishgan yutuqlari, bu sohaning mashaqqatli jihatlari, O‘zbekiston bayrog‘i ko‘tarilgandagi his-hayajoni va bugungi kundagi faoliyatida haqida so‘z yuritdi.

Tadbir davomida sportchi va talaba-yoshlar o‘rtasida qizg‘in savol-javob bo‘lib o‘tdi.

O‘zbekiston xalqaro islom akademiyasi

Matbuot xizmati