“Education USA” dasturining mintaqaviy forumi bo‘lib o‘tmoqda

Poytaxtimizdagi “InterContinental” mehmonxonasida AQSh universitetlari hamda Markaziy va Janubiy Osiyo davlatlaridagi “Education USA” dasturining mintaqaviy forumi o‘tkazilmoqda.

Har yili an’anaviy tarzda tashkil etiladigan anjumanning asosiy maqsadi AQSh universitetlarining xalqaro faoliyati va ularning ilg‘or tajribasini o‘rganishga qaratilgan. 

Forumda O‘zbekiston xalqaro islom akademiyasi Xalqaro hamkorlik bo‘limi boshlig‘i Bahodir Xo‘jayev ishtirok etyapti.

Shuningdek, AQSh Davlat departamenti va 50 dan ortiq Amerika universitetlari vakillari, xususan, xalqaro hamkorlik boshqarmasi rahbarlari va xodimlari, marketing va chet el fuqarolarini AQSh universitetlarida o‘qishga jalb qilish bo‘yicha masʼullar hamda AQShning mamlakatimizdagi elchixonasi mutasaddilari ham qatnashdi.

Forumda Amerika universitetlarining ta’lim dasturlari, ushbu universitetlarda o‘qishga kirish shartlari va tartibi bilan bog‘liq masalalar bo‘yicha chiqishlar va taqdimotlar haqida so‘z bordi.

Forumning ochilish marosimidan so‘ng ishtirokchilar seksiyalarga bo‘linib, turli ma’ruza va taqdimotlarda ishtirok etishdi.