“InnoWeek-2023” innovatsion gʻoyalar haftaligi talabalar uchun foydali bo‘lmoqda

Poytaxtimizdagi “Alpomish” muz saroyida “Kreativ taʼlim va innovatsiya – Yangi Oʻzbekiston taraqqiyotining asosi” shiori ostida “InnoWeek-2023” innovatsion gʻoyalar haftaligi bo‘lib o‘tmoqda.

Oliy taʼlim, fan va innovatsiyalar vazirligi tomonidan oʻtkazilayotgan haftalikda O‘zbekiston xalqaro islom akademiyasi “Zamonaviy axborot-kommunikatsiya texnologiyalari” kafedrasi a’zolari talabalar bilan birgalikda ishtirok etishdi.

Mazkur ekskursiya talabalarning olayotgan bilimlarini amaliy mohiyatini targʻib qilish, IT yangiliklari bilan yaqindan tanishish va soha mutaxassislari bilan bevosita muloqotda boʻlib, fikr almashish maqsadida tashkil etildi. Talabalar soha mutaxassislari bilan boʻlgan muloqotda oʻzlarini qiziqtirgan savollariga javob olishdi.