Akademiya pedagoglari “Oliy taʼlim aʼlochisi” koʻkrak nishoni bilan taqdirlandi

XUSHXABAR

Oliy taʼlim, fan va innovatsiyalar vazirining buyrug‘i asosida 1-oktabr – Oʻqituvchi va murabbiylar kuni munosabati bilan oliy taʼlim sohasida vijdonan faoliyat olib borib, yosh avlodning sifatli taʼlim olishida oʻzining fidokorona mehnati bilan namuna boʻlayotgan, tizim rivoji uchun oʻzining munosib hissasini qoʻshib kelayotgan soha fidoyilari “Oliy taʼlim aʼlochisi” koʻkrak nishoni bilan taqdirlandi.

Ahamiyatlisi, mazkur ko‘krak nishonga “Din psixologiyasi va pedagogika” kafedrasi dotsenti Mirmuxsin Akramov hamda “Arab tili va adabiyoti al-Azhar” kafedrasi katta o‘qituvchisi Baxtiyor Ibragimov ham loyiq deb topildi.

Fursatdan foydalanib, O‘zbekiston xalqaro islom akademiyasi jamoasi ustozlarning mazkur yutug‘i bilan muborakbod etadi. Ularning kelgusidagi faoliyatlariga omad, sihat-salomatlik, oilaviy totuvlik tilaydi.

O‘zbekiston xalqaro islom akademiyasi

Matbuot xizmati