Akademik litsey o‘quvchilari “Zakovat” intellektual turnirining respublika bosqichiga yo‘llanmani qo‘lga kiritdi

O‘rta maxsus va professional ta’lim muassasalari o‘quvchilari o‘rtasida “Zakovat” intellektual turnirining Toshkent shahar bosqichi tashkil etildi. 

Unda akademik litsey, texnikum va ixtisoslashgan maktab o‘quvchilari bahs olib bordi. Murosasiz kechgan aql bahsida O‘zbekiston xalqaro islom akademiyasi akademik litseyi faxrli 3-o‘rinni egallab, respublika bosqichiga yo‘llanmani qo‘lga kiritdi.

Turnirning respublika bosqichiga 42 ta jamoa yo‘l oldi.

Respublika bosqichida dastlabki uchta o‘rinni egallagan jamoalar a’zolari oliy ta’lim muassasalariga bazaviy to‘lov kontrakt asosida imtihon sinovlarisiz qabul qilinadi. Shuningdek, ularning har biriga bir o‘quv yili davomida har oy “Zakovat” stipendiyasi to‘lab boriladi.