“Startup loyihalar” mavzusida davra suhbati tashkil etildi

Bugun, O‘zbekiston xalqaro islom akademiyasida “Startup loyihalar” mavzusida davra suhbati tashkil etildi. 

Talabalarning loyihalarini rivojlantirish, bo‘sh vaqtini mazmunli tashkil etish maqsadida o‘tkazilgan davra suhbatida startup loyihalar nima ekani, ularni yaratish haqida ma’lumot berildi.

Islom iqtisodiyoti va xalqaro munosabatlar fakulteti “Zamonaviy axborot-kommunikatsiya texnologiyalari” kafedrasi hamda Iqtidorli talabalar bilan ishlash bo‘limi hamkorligida tashkil etilgan tadbirda IT Park Toshkent viloyati filiali startup ekotizimini rivojlantirish bosh menejeri Hojiakbar Fayziyev, Fearless kompaniyasi asoschisi Hasanboy Ahmuratov, NT Technosoft kompaniyasi asoschisi Azizjon Toxirov, Akademiya professor-o‘qituvchilari hamda talabalar ishtirok etdi.

Uchrashuvni kafedra mudiri Qurbon Rahmonov ochib berdi. Shundan so‘ng spikerlar so‘zga chiqib, mavzu yuzasidan bilimlarini talabalar bilan o‘rtoqlashishdi.

Davra suhbati yakunida ishtirokchilar o‘zlarini qiziqtirgan savollar bilan murojaat qilishdi.

O‘zbekiston xalqaro islom akademiyasi

Matbuot xizmati