O‘zbekiston yoshlar ittifoqi Akademiya boshlang‘ich tashkiloti hisobot-saylov yig‘ilishi o‘tkazildi

Yangi O‘zbekistonda har bir sohada keng ko‘lamli islohotlar amalga oshirilib, jamiyatdagi dolzarb muammolarni bartaraf etish borasidagi ishlar jadal olib borilmoqda. Yoshlarning har tomonlama barkamol bo‘lib voyaga yetishi va ta’lim-tarbiya olishlari uchun shart-sharoit yaratish, yoshlarni qo‘llab-quvvatlash borasida O‘zbekiston yoshlar ittifoqining oliy ta’lim muassalaridagi boshlang‘ich tashkilotlarining o‘rni ahamiyatga molikdir. 

O‘zbekiston xalqaro islom akademiyasida “Yangi O‘zbekiston yoshlari – yangi renessans poydevori” mavzusida O‘zbekiston yoshlar ittifoqi Akademiya boshlang‘ich tashkiloti hisobot-saylov yig‘ilishi o‘tkazildi. Unda Yoshlar ittifoqi Akademiya boshlang‘ich tashkilotining yoshlar yetakchisi, yo‘nalishlar va fakultetlar koordinatorlari saylovi tashkil etildi. 

Tadbirda O‘zbekiston yoshlar ittifoqi Toshkent shahar Kengashi raisi Sh.Anvarov, O‘zbekiston yoshlar ittifoqi Toshkent shahar Kengashi raisi maslahatchisi O.Sobitov, Yoshlar masalalari va ma’naviy-ma’rifiy ishlar bo'yicha birinchi prorektor I.Mirziyotov, Ilmiy ishlar va innovatsiyalar bo‘yicha prorektor Z.Islamov, fakultet dekanlari, tyutorlar hamda Akademiyaning 300 nafarga yaqin faol va iqtidorli talabalari ishtirok etdi.