Akademiyada magistrlar bilan davra suhbati o‘tkazildi

Bugun, O‘zbekiston xalqaro islom akademiyasida magistratura yo‘nalishida tahsil olayotgan yigit-qizlar bilan Akademiya rahbariyati o‘rtasida davra suhbati o‘tkazildi.

Uchrashuvda Yoshlar masalalari va ma’naviy-ma’rifiy ishlar bo‘yicha birinchi prorektor Ilyos Mirziyotov, Ilmiy ishlar va innovatsiyalar bo‘yicha prorektor Zohidjon Islomov, O‘quv ishlari bo‘yicha prorektor Zokirjon Ro‘ziyev, Akademiya rektori maslahatchisi O‘tkir Hasanboyev, Magistratura bo‘limi boshlig‘i Ashirali Abdirashidov, Akademiya inspektori Muhriddin Hikmatov va magistrlar ishtirok etdi.

Davra suhbatida so‘zga chiqqanlar tomonidan oliy ta’lim muassasasidagi odob-axloq qoidalari, ichki tartib-intizom haqida so‘z yuritildi. Akademiya professor-o‘qituvchilari hamda magistrlarining ta’lim-tarbiya jarayonidagi o‘zaro munosabatlari, majburiyatlari bo‘yicha batafsil ma’lumot berib o‘tildi. 

Shu bilan birga, bugungi kunda Akademiyada olib borilayotgan ta’lim tizimi va o‘quv jarayonlari, talaba-yoshlar sifatli bilim olishi uchun yaratilgan sharoitlar haqida atroflicha so‘z bordi.

Suhbat davomida mas’ullar tomonidan talabalarga yaxshi ta’lim berish bilan cheklanib qolinmay, ularning tarbiyasi, xulqi-odobi boshqalarga o‘rnak bo‘lishi kerakligi, bu borada Akademiya va ota-ona hamkorligi yo‘lga qo‘yilishi kerakligi alohida ta’kidlandi. 

O‘zbekiston xalqaro islom akademiyasi

Matbuot xizmati