Akademiya talabasi “Kitobxon yoshlar ligasi” tanlovida g‘olib deb topildi

Oliy ta’lim, fan va innovatsiyalar vazirligi tomonidan o‘tkazilgan “Kitobxon yoshlar ligasi” tanlovi g‘olib va sovrindorlari aniqlandi.

Tanlovda yuqori o‘rin va turli nominatsiyalarni egallagan ishtirokchilarga qimmatbaho sovg‘alar hamda diplomlar topshirildi.

E’tiborlisi, mazkur tanlovda O‘zbekiston xalqaro islom akademiyasi Islom iqtisodiyoti va xalqaro munosabatlar fakulteti 2-bosqich talabasi Dilshod Valijonov ham faol ishtirok etib, “Eng faol targ‘ibotchi” nominatsiyasida g‘olib deb topildi.

Shu munosabat bilan, Akademiya jamoasi Dilshod Valijonovning mazkur yutug‘i bilan muborakbod etib, uning kelgusidagi ishlariga muvaffaqiyat tilaydi. 

O‘zbekiston xalqaro islom akademiyasi

Matbuot xizmati