Talabalar bilan ijodiy uchrashuv o‘tkazildi

Bugun O‘zbekiston xalqaro islom akademiyasida “Mustaqillik darsi” doirasida Oliy Majlis Qonunchilik palatasi deputati, O‘zbekiston yozuvchilar uyushmasi a’zosi, Akademiya Jamoatchilik kengashi raisi Iqbol Mirzaaliyev bilan uchrashuv bo‘lib o‘tdi. 

“Yangi hayot uchun, yangi O‘zbekiston uchun!” shiori ostida o‘tayotgan uchrashuvni Yoshlar masalalari va ma’naviy-ma’rifiy ishlar bo‘yicha birinchi prorektor Ilyos Mirziyotov ochib berdi.

Tadbir davomida Iqbol Mirzaaliyev so‘zga chiqib, yig‘ilganlarni Vatanimiz mustaqilligining 32 yilligi hamda 2023/2024-o‘quv yili bilan tabrikladi.

Iqbol Mirzo (Mirzaaliyev) o‘zbek she’riyatida o‘ziga xos uslubga ega, samimiy she’rlari bilan xalq qalbidan joy topa olgan shoir sanaladi. Ijodkor o‘z so‘zida bugungi kunda yurtimizda davlatimiz rahbari tomonidan adabiyot ahliga keng imkoniyatlar berilayotgani, iste’dodli, ijodkor yoshlarni qo‘llab-quvvatlash borasida salmoqli ishlar bajarilayotganini ta’kidladi. 

Uchrashuvda yoshlarni kitob mutolaasiga qiziqtirish, buning uchun ko‘plab ko‘rik-tanlovlar o‘tkazilayotgani qayd etildi. 

Yakunda faol ishtirok etgan talabalar kitoblar bilan taqdirlandi.

O‘zbekiston xalqaro islom akademiyasi

Matbuot xizmati