“Mustaqillik darsi” doirasida talabalar uchun sayohat tashkil etildi

O‘zbekiston xalqaro islom akademiyasida 2023/2024-o‘quv yili munosabati bilan “Yangi hayot uchun, yangi O‘zbekiston uchun!” mavzusida “Mustaqillik darsi” o‘tkazilmoqda. Unda Akademiyaning 1-bosqichiga qabul qilingan talabalar ishtirok etishmoqda.

Shu maqsadda “Yangi O‘zbekiston” bog‘i, O‘zbekistondagi Islom sivilizatsiyasi markazi hamda Abdulla Qodiriy uy-muzeyiga sayohat tashkil etildi.

Sayohatning tashkil qilishdan asosiy maqsad yurtimizning diqqatga sazovor tarixiy obidalari, boy tarixiy manzilgohlarni oʻrganish hamda yurtimizda olib borilayotgan keng qamrovli ijtimoiy-iqtisodiy islohotlarni koʻrsatish va talabalar qalbida vatanparvarlik, milliy gʻurur va iftixor hissini yanada rivojlantirishdir.

Talabalar dastlab “Yangi Oʻzbekiston” bogʻidagi “Istiqlol” majmuasi bilan yaqindan tanishib, Uchinchi Renessansning poydevori boʻlgan majmua haqida bilimlarga ega bo‘lishdi.

Shundan soʻng O‘zbekistondagi Islom sivilizatsiya markazida boʻlishib, bunyodkorlik ishlari bilan tanishishdi. 

Shuningdek, Abdulla Qodiriy uy-muzeyida eksponatlar bilan yaqindan tanishib, oʻzlarini qiziqtirgan maʼlumotlarga ega boʻlishdi.

O‘zbekiston xalqaro islom akademiyasi

Matbuot xizmati