1-bosqich talabalari uchun Akademiya hududida joylashgan muqaddas qadamjolarga ziyorat tashkil etildi

O‘zbekiston xalqaro islom akademiyasida 2023/2024-o‘quv yili munosabati bilan “Yangi hayot uchun, yangi O‘zbekiston uchun!” deb nomlangan “Mustaqillik darsi” o‘tkazilmoqda. Unda Akademiyaning 1-bosqichiga qabul qilingan talabalar ishtirok etishmoqda.

Yoshlar tafakkurini milliy va umuminsoniy qadriyatlar, Vatanga muhabbat va sadoqat, insonparvarlik tuygʻularini yanada shakllantirish maqsadida tashkil etilgan darslar doirasida O‘zbekiston xalqaro islom akademiyasi hududida joylashgan muqaddas qadamjolar – Shayx Xovandi Tohur, To‘labek (Qaldirg‘ochbek) hamda Yunusxon maqbaralariga ziyorat uyushtirildi.

Unda O‘zbekiston xalqaro islom akademiyasi Magistratura bo‘limi boshlig‘i Ashirali Abdirashidov talabalarga mashhur allomalar haqida ma’lumot berdi.

O‘zbekiston xalqaro islom akademiyasi

Matbuot xizmati