Akademiya talabalarining malakaviy amaliyoti davom etmoqda

Avval xabar berganimizdek, ayni paytda O‘zbekiston xalqaro islom akademiyasi talabalari uchun malakaviy amaliyot davom etmoqda. Akademiya talabalarining malakaviy amaliyoti poytaxtimizdagi turli vazirlik, tashkilot, korxona va muassasalarida bo‘lib o‘tyapti.

Jumladan, talabalar O‘zbekiston Respublikasi Madaniyat va turizm vazirligi huzuridagi Madaniy meros obyektlari va muammolarini o‘rganish va turizmni rivojlantirish ilmiy-tadqiqot instituti, O‘zbekiston musulmonlari idorasi, O‘zbekistondagi islom sivilizatsiyasi markazi, “Qishloq qurilish bank” aksiyadorlik tijorat banki, “TEXNOPARK” MChJ, Mirzo Ulug‘bek nomidagi O‘zbekiston Milliy universiteti, O‘zbekiston davlat jahon tillari universiteti, “Japan digital university” va boshqa tashkilotlarda malakaviy amaliyotni o‘tashmoqda.

Shu bilan birga, yigit-qizlar Oliy Majlisning Inson huquqlari bo‘yicha vakili (ombudsman) faoliyati bilan yaqindan tanishishdi. 

U yerda talabalar muassasalar faoliyati bilan yaqindan tanishib, tashkilot haqida o‘zlari qiziqqan savollarga javob olishyapti. Soha bo‘yicha kerakli ma’lumotlarga ega bo‘lishmoqda.