Ziyoratchilarimizning ovqatlanish ratsioni doimiy e’tiborda

HAJ-2023

Ayni kunlarda yurtdoshlarimiz Makkai mukarramada toat-ibodatlarini ko‘tarinki ruh va kayfiyatda davom ettirmoqda.

Ishchi guruh tomonidan ziyoratchilarimizning ibodati, sihat-salomatligi, risoladagidek istiqomat qilishi hamda vitaminga boy oziq-ovqat mahsulotlari bilan taomlanishi uchun barcha qulayliklar yaratilgan.

Xususan, Makka shahrida “Roshidiya”, “Abroj Dana”, “Laba Darna” va “Ruba al-Hijaz” mehmonxonalarida o‘zbekistonlik mohir oshpazlar ziyoratchilar uchun tansiq taomlar tayyorlab berishyapti. Ertalabki nonushta, tushlik va kechki taomda ikki xildan issiq ovqat va har xil meva-chevalar taqdim etilyapti. 

Masalan, ertalabki nonushtada issiq taomlar bilan birga tuxum, sariyog‘, pishloq, asal, holva kabilar qo‘shimcha qilinsa, tushlik va kechki ovqatlanish ratsionidan ho‘l mevalar, salqin ichimliklar, qatiq va salatlar o‘rin olgan.

Bir so‘z bilan aytganda, ziyoratchilarimiz yaratilgan sharoit va imkoniyatlardan mamnun bo‘lib, duolar qilishyapti.

Manba:

Din ishlari bo‘yicha Axborot xizmati