Tashrif samarali davom etmoqda

Oʻzbekiston delegatsiyasi Al-Azhar majmuasi tarkibidagi Ekstremizmga qarshi kurash Observatoriyasi (Marsad) faoliyati bilan ham yaqindan tanishdi.

Maʼlumot uchun mazkur observatoriya tomonidan ijtimoiy tarmoqlarda chiqayotgan materiallar muntazam tahlil qilib boriladi hamda ekstremistik guruhlarning maʼlumotlari chuqur oʻrganiladi va ularga munosib ilmiy raddiya va munosabatlar beriladi.

Uchrashuv davomida tomonlar oʻrtasida oʻzaro tajriba almashish, mutaxassislar malakasini oshirish va mavjud hamkorlikni yanada kengaytirish masalasi gʻoyat ahamiyatli ekani alohida qayd etildi.

Muloqot oʻzaro samimiy va doʻstona ruhda boʻlib oʻtdi.