Talabalar uchun foydali va maroqli sayohat tashkil etildi

O‘zbekiston xalqaro islom akademiyasi talabalarining bo‘sh vaqtini mazmunli o‘tkazish maqsadida “Islom iqtisodiyoti va moliyasi, ziyorat turizmi” kafedrasi professor-o‘qituvchilari Olim Astanakulov, Bobur Valiyev va O‘ktam Jiyanovlar hamrohligida “Turizm (ziyorat turizmi)” ta’lim yo‘nalishi 1-kurs talabalari uchun “Zangi ota” majmuasiga sayohat tashkil etildi.

Sayohat davomida talabalar ziyoratchi va sayyohlarga ekskursiya xizmatlarini tashkil etish bo‘yicha amaliyot o‘tashdi. Talabalarga “Zangi ota” majmuasining barpo etilish tarixi, ziyoratgoh sifatidagi ahamiyati hamda sayyohlarni jalb qilish imkoniyatlari bo‘yicha ma’lumot berildi. 

Ekskursiya davomida talabalar kompleksda joylashgan “Ambar ona” maqbarasi bilan ham tanishishdi.

O‘zbekiston xalqaro islom akademiyasi

Matbuot xizmati