286

Akademiya professori xalqaro konferensiyada ma’ruza qildi

Kuni kecha Qirg‘iziston Respublikasining Cho‘lponota shahrida “Yevrosiyo mamlakatlarida moliyaviy xavfsizlik, korrupsiyaga qarshi choralar: raqamlashtirish, buxgalteriya hisobi, tahliliy, monitoring va huquq” mavzusida xalqaro konferensiya bo‘lib o‘tdi.

Anjumanda  Rossiya, Qozog‘iston, Qirg‘iziston, Tojikiston hamda yurtimizdagi soha mutaxassislari, oliy o‘quv yurtlari vakillari, professor-o‘qituvchilar hamda buxgalteriya hisobi va audit hamjamiyatining mutaxassislari ishtirok etdi.

Jumladan, konferensiyada O‘zbekiston xalqaro islom akademiyasining “Xalqaro munosabatlar va ijtimoiy fanlar” kafedrasi professori, siyosiy fanlar doktori To‘lqin Alimardonov ham ishtirok etib, “Amir Temurning Yevroosiyo geopolitikasi” mavzusida ma’ruza qildi.

Akademiya o‘qituvchisi o‘z nutqida o‘zbek davlatchiligining tarixan shakllanishida Amir Temurning qo‘shgan hissasi ulkan ekanligini qayd etib, XIV-XV asrlarda Sohibqiron Amir Temur markazlashgan davlat tizimini yaratgani, Movarounnahr o‘lkasini dunyoning eng buyuk siyosiy, iqtisodiy, madaniy markaziga aylantirganini ta’kidladi. Bundan tashqari, Amir Temurning davlat va hokimiyat boshqaruvi targ‘ibotlari, saltanat idorasi amallari, sarkardaning harbiy mahorati haqida so‘z yuritdi. 

Yakunda Akademiya professorining ma’ruzasi yig‘ilganlarda katta taassurot qoldirdi. 

O‘zbekiston xalqaro islom akademiyasi

Matbuot xizmati

Izoh qoldirish