Bosh imom-xatiblar uchun Shayx Alijon qori Haydarovdan navbatdagi mahorat darsi

O‘zbekiston xalqaro islom akademiyasi huzuridagi Malaka oshirish markazida respublikada faoliyat olib borayotgan Qoraqalpog‘iston Respublikasi, viloyat, shahar va tuman Bosh imom-xatiblari uchun malaka oshirish o‘quvlarining 2-bosqichi davom etmoqda.

2021-yilning 16-dekabr kuni O‘zbekiston musulmonlari idorasi “Qur’on va tajvidni o‘rgatish” bo‘limi mudiri, O‘zbekiston xalqaro islom akademiyasi faxriy doktori Shayx Alijon qori Haydarov bilan tinglovchilar uchun “Qiroat ilmi” mavzusida navbatdagi mahorat darsi tashkil etildi. Unda tinglovchilarga qiroat turlari va imomlari haqida ma’lumotlar berildi. Shuningdek, imom-xatiblarning ibodat va marosimlarda Qur’on qiroatiga e’tibor berishi lozim bo‘lgan jihatlariga alohida e’tibor qaratdi.

O‘quv mashg‘ulot davomida bosh-imom xatiblar o‘zlarini qiziqtirgan savollarga munosib ilmiy asoslantirilgan javob olishdi. Sohaning yetakchi vakillari o‘quv mashg‘ulotlariga jalb etilishi tinglovchilarda katta qiziqish uyg‘otmoqda.

Malaka oshirish o‘quvlari davom etmoqda.

O‘zbekiston xalqaro islom akademiyasi

Matbuot xizmati