Akademiya bilimdon talabalari zakovat intellektual o‘yinlarida bellashmoqda

O‘zbekiston xalqaro islom akademiyasida Yoshlar bilan ishlash, ma’naviyat va ma’rifat bo‘limi hamda Yoshlar ittifoqi Akademiya boshlang‘ich tashkiloti faollari bilan hamkorlikda talabalar o‘rtasida zakovat intellektual o‘yinlari o‘tkazilmoqda.

Dastlab talabalar tomonidan “Ishonch”, “Pragmatik”, “Zakovat yulduzlari”, “Insight”, “Irfon”, “Ansor”, “Afrosiyob”, “Alif”, “Zaytun” kabi 15 ga yaqin jamoalar shakllangan bo‘lib, zakovat intellektual o‘yinlarida guruhlarga bo‘lingan holda bahsga kirishishdi.

Mazkur intellektual o‘yinlar 2022-yilning may oyiga qadar o‘tkazilib boriladi va Akademiya talaba-yoshlari ichidan saralab olingan eng namunali jamoa vakillari oliy ta’lim muassasalari talabalari o‘rtasida o‘tkaziladigan musobaqalarda ishtirok etishadi.

Bugun bo‘lib o‘tgan zakovat o‘yinlarda turli ma’naviy-ma’rifiy, ijtimoiy-siyosiy va keng qamrovli mavzular yuzasidan tuzilgan savollarda jamoalar o‘zaro kuch sinashdi. Har bir bosqichda g‘oliblikni qo‘lga kiritgan guruhlar yuqori natijalarni qo‘lga kiritdi.

O‘zbekiston xalqaro islom akademiyasi

Matbuot xizmati