O‘zbek tili bayrami “Ziyo-zukko” maktabida ham nishonlandi

21-oktabr – O‘zbek tili bayrami kuni munosabati bilan joylarda ona tili rivoji, uni yoshlar orasida targ‘ib qilish maqsadida ma’rifiy tadbirlar, ilmiy anjumanlar tashkil etilmoqda. Sana munosabati bilan “Ziyo-zukko” maktabida ma’rifiy bayram tadbiri bo‘lib o‘tdi.

Ko‘tarinki kayfiyatda o‘tgan tadbir davomida maktab o‘quvchilari tomonidan ona tilini madh etuvchi kuy-qo‘shiqlar, she’rlar ijro etildi. O‘quvchilarning raqs tomoshalari, o‘zbek tilida yangragan she’rlar, teatrlashtirilgan sahna ko‘rinishlari yig‘ilganlarda katta taassurot qoldirdi.

O‘zbekiston xalqaro islom akademiyasi

Matbuot xizmati