Milliy kutubxonada vebinar dars o‘tkazildi

Alisher Navoiy nomidagi O‘zbekiston milliy kutubxonasida “Ilmiy tadqiqotlar va ularga qo‘yilgan talablar” mavzusida vebinar dars bo‘lib o‘tdi. 

Mazkur dars O‘zbekiston xalqaro islomshunoslik akademiyasi “Axborot xavfsizligi”, “Xalqaro munosabatlar va zamonaviy siyosiy jarayonlar” yo‘nalishi 1-kurs magistrlari uchun “Ilmiy tadqiqot metodologiyasi” fani doirasida o‘tkazildi. 

Darsni “Ijtimoiy fanlar va huquq” kafedrasi professori, falsafa fanlari doktori Sayyora To‘ychiyeva va kutubxona direktori, tarix fanlari bo‘yicha falsafa doktori, dotsent Umida Teshaboyeva olib borishdi.

Shuningdek, magistrlar 1991-yildan beri kutubxonada saqlanayotgan dissertatsiyalar bazasi, dissertatsiyalar, avtoreferatlar, ilmiy maqolalar bilan tanishdilar. 

Ilmiy tadqiqotlarni badiiy jihatdan rasmiylashtirish, adabiyotlardan foydalanish borasida qator savollarga javob berildi.