Korrupsiya – taraqqiyot kushandasi

O‘zbekiston xalqaro islomshunoslik akademiyasi litseyida o‘quvchilar ishtirokida korrupsiyaga qarshi murosasizlik hissini shakllantirishga qaratilgan targ‘ibot suhbati o‘tkazildi.

Korrupsiyaga qarshi kurashish “Komplayens-nazorat” tizimini boshqarish bo‘limi tomonidan o‘tkazilgan tadbirda yurtimizda korrupsiyaga qarshi kurashish sohasida olib borilayotgan islohotlar haqida so‘z bordi. 

Shuningdek, O‘zbekiston Respublikasi Prezidentining 2025-yil 21-apreldagi “Korrupsiyaga qarshi kurashish tizimini yanada takomillashtirish bo‘yicha belgilangan ustuvor vazifalar ijrosini samarali tashkil etishga doir chora-tadbirlar to‘g‘risida”gi Farmoni hamda “Davlat organlari va tashkilotlarining korrupsiyaga qarshi ichki nazorat bo‘linmalari mustaqilligini ta’minlash hamda faoliyati samaradorligini oshirish chora-tadbirlari to‘g‘risida”gi qarori yuzasidan batafsil tushuntirish berildi.

Davra suhbati yakunida o‘quvchilar o‘zlarini qiziqtirgan savollar bilan murojaat qilishdi.