TINCHLIKPARVARLIK, BAG‘RIKENGLIK SIYOSATI o‘ziga xos tajriba maktabi

Munosabat 

Bugungi tez o‘zgaruvchan va murakkab geosiyosiy sharoitda xalqaro institutlarning ta’sirchanligi va ahamiyati sezilarli darajada zaiflashmoqda. Qarama-qarshilik va nizolar, qurolli to‘qnashuvlar tobora kuchayib borayotgani, texnologik va ijtimoiy tengsizlik ortishi, iqtisodiy va gumanitar inqirozlar, terrorizm va ekstremizm tahdidlari saqlanib qolayotgani nafaqat milliy xavfsizlikka, balki global barqaror rivojlanish, ijtimoiy hamjihatlik va dinlararo totuvlikka ham jiddiy tahdid solayotir. 

Davlatimiz rahbarining BMT Bosh Assambleyasi 80-sessiyasida so‘zlagan nutqi shu kabi global muammolarga samarali amaliy yechimlar taklif qilingani bilan ahamiyatli bo‘ldi. 

O‘zbekiston zamonaviy xavf-xatarlarga qarshi samarali kurashish, rivojlanayotgan davlatlar manfaatlarini himoya qilish maqsadida BMT Xavfsizlik Kengashini transformatsiya qilish va uning tarkibini kengaytirish tarafdori ekani aytib o‘tildi. Ahamiyatlisi, bu jihat O‘zbekistonning global siyosiy jarayonlarda faol ishtirok etishga tayyorligini va mas’uliyatli hamkor sifatida dunyo hamjamiyati oldida o‘z pozitsiyasini aniq namoyon etayotganini ko‘rsatadi. 

 Sodiq Toshboyev, 

 O‘zbekiston Respublikasi Din ishlari bo‘yicha qo‘mita raisi 

 Manba: “Yangi O‘zbekiston” gazetasi 2025-yil 27-sentabr, 200-son 

 Gazetani yuklab olish uchun