Xorijdagi vatandoshlar uchun Davlat granti tanlovi

Xorijda istiqomat qilayotgan yosh vatandoshlar uchun o‘zbek tili va adabiyoti, tarix, madaniyat, san’at va hunarmandchilik yo‘nalishlari bo‘yicha 30 ta davlat granti ajratildi.

Tanlov shartlari:

Nomzod yoki uning ota-onasi (yaqin qarindoshi) o‘zini etnik, til va madaniy-tarixiy jihatdan o‘zbek yoki qoraqalpoq sifatida identifikatsiya qilishi;

Hozirda xorijda doimiy yashayotgan shaxs bo‘lishi;

O‘zbekiston Respublikasi ta’lim tashkilotlarida ro‘yxatdan o‘tgan va suhbat natijalariga ko‘ra talabalikka tavsiya etilgan bo‘lishi;

30 yoshga to‘lmagan bo‘lishi;

O‘zbek tilini bilishi lozim.

Muddat: 2025-yil 10-oktabrgacha.

Tanlov jarayoni:

Kasbiy (ijodiy) imtihon mavjud yo‘nalishlar uchun imtihon oliy ta’lim muassasasi tomonidan tashkil etiladi;

Boshqa yo‘nalishlarda test sinovlari Bilim va malakalarni baholash agentligi tomonidan o‘tkaziladi;

Eng yuqori ball to‘plagan talabgorlar davlat granti sovrindorlari bo‘ladi.

Nomzodlar O‘zbekiston xalqaro islomshunoslik akademiyasi Xalqaro hamkorlik bo‘limiga murojaat qilishlari so‘raladi.