Akademiyada professor-o‘qituvchilar uchun o‘quv-mashg‘ulotlari boshlandi

Bugun, 26-avgustdan O‘zbekiston xalqaro islomshunoslik akademiyasida professor-o‘qituvchilar uchun 2025/2026-o‘quv yili boshlanishiga tayyorgarlik ko‘rish doirasidagi o‘quv-mashg‘ulotlari boshlandi. 

Mazkur o‘quvlarni tashkil etishdan maqsad o‘tgan o‘quv yili yakunlarini tahlil etish, mavjud kamchiliklarni bartaraf qilish, professor-o‘qituvchilarning bilim va ko‘nikmalarini yanada shakllantirishdan iborat.

Unda spikerlar tomonidan “Ta’lim sifatini oshirish uchun pedagog xodimlar e’tiborga olishi kerak bo‘lgan omillar (so‘rovnoma natijalari asosida)” hamda “Ta’lim jarayonini faollashtirishda professor-o‘qituvchilar kommunikativ kompetensiyasining ahamiyati” kabi mavzulardagi ma’ruzalar tinglandi. 

Eslatib o‘tamiz, o‘quv-mashg‘ulotlari 30-avgustga qadar davom etadi.