Toshkent yoshlari milliylikni sevadi

Bugun Toshkent shahri Olmazor tumanida joylashgan Talabalar shaharchasida “Milliy hunarmandchilik, milliy o‘yinlar, kuyqo‘shiq va raqslar – milliy qadriyatlarning uzviy qismi” shiori ostida “Toshkent yoshlari milliylikni sevadi” festivali o‘tkazildi.

Tadbirda O‘zbekiston xalqaro islomshunoslik akademiyasi talaba qizlari, tyutorlar Nigina Ruzimova va Umida Xasanova ishtirok etdi.

Tadbirdan ko‘zlangan maqsad talaba-yoshlarning o‘qishdan bo‘sh vaqtlarini mazmunli o‘tkazish, shuningdek, ularni milliy va umum insoniy, ijtimoiy axloqiy, madaniy va ma’naviy qadriyatlarimiz, an’ana, urf-odat, san’atimiz bilan yaqindan tanishtirish, yurtimizning tarixi va bugungi kuni hozirgi kunda amalga oshirilayotgan keng ko‘lamli islohotlardan xabardor qilish, jadidlarimiz hayotini chuqur o‘rganish, ertamiz egalarining tarixiy tafakkurini oshirish orqali oliy ta’lim muassasalarida olib borilayotgan madaniy-ma’rifiy ishlar samaradorligini yanada yuksaltirishga xizmat qilishdan iborat.