Akademiyada “Tafakkur egalari” intellektual kitobxonlik bellashuvi o‘tkazildi

Bugun O‘zbekiston xalqaro islom akademiyasida “Tafakkur egalari” intellektual kitobxonlik klubi doirasida navbatdagi bellashuv bo‘lib o‘tdi. 

Islom iqtisodiyoti va xalqaro munosabatlar fakulteti “Ijtimoiy fanlar va huquq” kafedrasi tomonidan tashkil etilgan ushbu bellashuvda O‘zbekiston xalqaro islom akademiyasi, O‘zbekiston Jurnalistika va ommaviy kommunikatsiyalar universiteti, Muhammad al-Xorazmiy nomidagi Toshkent axborot texnologiyalar universiteti hamda Talabalar terma jamoasi kabi jamoalar ishtirok etdi. 

Mazkur tanlov talaba-yoshlar kitobxonlik madaniyatini shakllantirish, ularning qobiliyati, iste’dodini rivojlantirish, kitob o‘qishga va yuksak ma’naviyatli shaxs sifatida shakllantirishga yo‘naltirish, ularni har tomonlama hayotga tayyorlash, mamlakatimizda demokratik va iqtisodiy taraqqiyotimizning taqdirini hal eta oladigan yuksak ma’naviyatli, yuqori malakali kadrlar tayyorlash uchun kitobxon, ijodkor, iste’dodli yoshlarning ilmiy-ijodiy salohiyatini oshirish, talabalarning bo‘sh vaqtini mazmunli tashkil etish hamda ularning kitobxonlikka bo‘lgan qiziqishlarini qo‘llab-quvvatlash maqsadida tashkil etildi.

Bellashuvda 12 ta jamoa Odil Yoqubovning “Ulugʻbek xazinasi, Jerom Selinjerning “Javdarzordagi xaloskor” hamda Chingiz Aytmatovning “Oq kema” asari asosida o‘z bilimlarini sinovdan o‘tkazdi.

Intellektual o‘yin 2 ta shartdan iborat bo‘lib, talabalar dastlab mazkur kitob haqidagi ma’lumotlarni belgilangan vaqt mobaynida hakamlarga nutq madaniyati va yuksak tafakkurlari orqali yetkazishgan bo‘lsa, 2-shartda esa mazkur kitoblar asosida tuzilgan savollarga javob berishdi.

Bellashuv yakunida g‘olib va sovrindorlarga kitob va sertifikatlar topshirildi.