Akademiya Kasaba uyushmasi qo‘mitasining hisobot-saylov yig‘ilishi o‘tkazildi

Bugun O‘zbekiston xalqaro islom akademiyasida muassasa Kasaba uyushmasi qo‘mitasining hisobot-saylov yig‘ilishi bo‘lib o‘tdi.

Unda O‘zbekiston kasaba uyushmalari Federatsiyasining Toshkent shahar kengashi mas’ul xodimlari Ravshan Maxamadaliyev, Qosim Qambarov, Akademiya rahbariyati, professor-o‘qituvchilar hamda xodimlar ishtirok etdilar.

Yig‘ilish kun tartibida dastlab Akademiya Kasaba uyushmasi qo‘mitasi raisi Ashirali Abdirashidovning hisoboti tinglandi. O‘tayotgan muddat davomida Akademiya Kasaba uyushmasi tomonidan bajarilgan ishlar bo‘yicha ma’lumot berildi.

Majlis davomida yangi jamoa shartnomasining taqdimoti, Akademiya yangi ichki tartib-qoidalarining muhokamasi va tasdiqlanishi kabi masalalar ko‘rib chiqildi.

Akademiya Kasaba uyushmasi qo‘mitasi raisi sifatida faoliyat yuritib kelayotgan Ashirali Abdirashidov yana bir bor mazkur vazifaga saylandi.

Yig‘ilish yakunida Kasaba uyushmasi qo‘mitasining yangi a’zolari, Akademiya Taftish hay’ati vakillari saylandi.