Korrupsiya – taraqqiyotga tahdid

Ma’lumki, O‘zbekiston Respublikasi Oliy Majlisi Senati Kengashining 2025-yil 27-yanvardagi “Aholi va davlat xizmatchilarining huquqiy ongi hamda madaniyatini yuksaltirish, jamiyatda korrupsiyaga nisbatan murosasizlik muhitini shakllantirish to‘g‘risida”gi qarori bilan aholi va davlat xizmatchilarining huquqiy ongi hamda madaniyatini yuksaltirish, jamiyatda korrupsiyaga nisbatan murosasizlik muhitini shakllantirish bo‘yicha 2025-yilga mo‘ljallangan chora-tadbirlar rejasi tasdiqlangan.

Qaror ijrosini ta’minlash maqsadida O‘zbekiston xalqaro islom akademiyasida turli profilaktik tadbirlar o‘tkazilib kelinmoqda. 

Jumladan, Korrupsiyaga qarshi kurashish “Komplayens-nazorat” tizimini boshqarish bo‘limi tomonidan #Stop_Korrupsiya xeshtegi ostida chellenj o‘tkazildi.

Mazkur chellenj professor-o‘qituvchilar, xodimlar va talabalar o‘rtasida korrupsiyaga qarshi murosasizlik madaniyatini shakllantirish va ogohlikka chaqirish maqsadida tashkil etildi.