Taʼlimda uzviylikni taʼminlash – bugungi kun talabi

Bugun O‘zbekiston xalqaro islom akademiyasi Islom iqtisodiyoti va xalqaro munosabatlar fakulteti dekani Habibullo Sadibaqosev akademik litseyda o‘quvchilar uchun yaratilgan sharoitlarni ko‘zdan kechirdi.

Dekan Habibullo Sadibaqosev tashrif davomida auditoriyalarda o‘qituvchi va o‘quvchilar bilan muloqot qildi. Shuningdek, “Arab tili”, “Ingliz tili”, “Matematika”, “Rus tili”, “O‘zbekiston tarixi” va “Informatika” dars mashg‘ulotlarida ta’lim sifati, o‘quvchilarning bilimini o‘rgandi.   

Yoshlarda keng dunyoqarash, intellektual salohiyat, ijodiy va tahliliy fikrlashni rivojlantirish, ilm-fanga bo‘lgan qiziqishni oshirish maqsadida Akademik litsey o‘quvchilari bilan suhbatlashdi.

Samimiy muloqot davomida O‘quvchilarga yurtimizda amalga oshirilayotgan islohotlarning faol ishtirokchisiga aylanish, yoshlarga yaratib berilayotgan imkoniyatlardan unumli foydalanish, xorijiy til va sohaga oid fanlarni puxta o‘zlashtirish, oliy ta’lim yo‘nalishlarini tanlash va maqsadli tayyorgarlik ko‘rish yuzasidan tavsiyalar berildi.