Sport – madaniyatlar ko‘prigi

“Insoniy birodarlik va dinlararo muloqot – xalqaro hamjihatlik omili” shiori ostidagi haftalik sport bellashuvlari bilan davom etdi.

“Sport – madaniyatlar ko‘prigi” nomli konfessiyalararo sport musobaqalarida O‘zbekiston xalqaro islom akademiyasi, Imom Buxoriy nomidagi Toshkent islom instituti va Toshkent provaslaviya seminariyasi talabalari ishtirok etdi.

Sportning mini futbol, shaxmat-shashka hamda stol tennis turlari bo‘yicha o‘tkazilgan bellashuvlar tomoshabinlarda katta taassurot qoldirdi.

O‘zaro hurmat va do‘stona ruhda o‘tgan bahslar konfessiyalar o‘rtasida do‘stlik, hamjihatlikni shakllantirishga xizmat qilishi shubhasiz.

Yakunda g‘olib va sovrindorlar aniqlandi. Ularga faxriy yorliq hamda esdalik sovg‘alari topshirildi.