Sog‘lom e’tiqod va hamjihatlik – insoniy birodarlik asosi

Avval xabar berib o‘tganimizdek, O‘zbekiston xalqaro islom akademiyasida “Dinshunoslik va jahon dinlarini qiyosiy o‘rganish UNESCO” kafedrasi tomonidan 4-8-fevral kunlari “Insoniy birodarlik va dinlararo muloqot – xalqaro hamjihatlik omili” shiori ostida ilmiy, madaniy-ma’rifiy va sport tadbirlari haftaligi o‘tkazilmoqda.

Bugun haftalik doirasida “Sog‘lom e’tiqod va hamjihatlik – insoniy birodarlik asosi” mavzusidagi ijodiy ishlar tanlovi g‘oliblarini taqdirlash marosimi bo‘lib o‘tdi.

Mazkur tanlov hay’at a’zolariga talabalar tomonidan 20 ga yaqin ijodiy ishlar kelib tushdi. Insoniy birodarlik va bag‘rikenglikni mustahkamlash, o‘zaro hurmat va diniy e’tiqodlar xilma-xilligini tushunish dunyo xalqlari o‘rtasida tinchlik va hamjihatlikni ta’minlashda muhim omil ekani aks etgan ijodiy ishlarning eng munosiblari orasidan g‘olib va sovrindorlar aniqlandi.