Talabalar uchun ekskursiya tashkil etildi

O‘zbekiston xalqaro islom akademiyasi “Islom iqtisodiyoti va moliyasi, ziyorat turizmi’ kafedrasi professor-o‘qituvchilari Olim Astanakulov, O‘ktam Jiyanov va Kamoliddin Jahongirovlar boshchiligidagi “Turizm (ziyorat turizmi)” 2-kurs talabalari Toshkent viloyati Parkent tumanidagi "Hazrat Ali buva" ziyoratgohiga ekskursiya uyushtirishdi. Ekskursiya “Free guide” to‘garagi doirasida tashkil etilgan bo'lib, unga “Turizm (ziyorat turizmi)” 2-kurs talabalari S.Egamov, G.Alisherova va T.To'rayevlar ekskursavodlik qilishdi. 

Tashrif davomida talabalarga “Hazrat Ali buva” ziyoratgohi tarixi, uning mahalliy aholi va boshqa ziyortachilar uchun ahamiyati, Kumushkon turizm qishlog'ining ichki turizm rivojlantirishdagi o‘rni haqida ma’lumotlar berildi. 

Ekskursiya talabalarni dars mashg‘ulotlarida olgan bilimlarini amaliy mustahkamlash, shuningdek, ularni mamlakatimiz tarixiy va madaniy merosi bilan yaqindan tanishtirishda muhim ahamiyat kasb etadi.