Akademiya professori xalqaro konferensiyada ma’ruza qildi

Qozogʻiston Respublikasi Turkiston Xalqaro turizm va mehmondoʻstlik universitetida “Turkiston o‘lkasidagi muqaddas qadamjolarning ma’naviy-madaniy voqelikdagi o‘rni” mavzusidagi xalqaro konferensiya o‘tkazildi.

Konferensiyada ishtirokchilar tomonidan “Turkiston shahri tarixida islomgacha va islomdan keyingi ziyoratgohlarni o‘rganish jihatlari”, “Xoja Ahmad Yassaviy va Yasaviy tariqati bilan bog‘liq ziyoratgohlarning ma’naviy-qiymatiy ahamiyati” hamda “Turkiston viloyatining turizm salohiyatini oshirish: diniy turizmni rivojlantirish istiqbollari” kabi yo‘nalishlarda ma’ruzalar qilindi.

Xususan, anjumanda O‘zbekiston xalqaro islom akademiyasi “Islom tarixi va manbashunosligi IRCICA” kafedrasi professori Neʼmatullo Muhamedov “Oʻrta Osiyo islom madaniyatida Zangiota yodgorlik majmuasining roli” mavzusidagi ma’ruzasi bilan onlayn tarzda qatnashdi.

Toshkent viloyati Zangiota tumani hududida islom olamidagi muqaddas ziyoratgohlardan biri – Zangi ota majmuasi qad rostlab turibdi. Zangi otaning haqiqiy ismlari Oyxo‘ja ibn Toshxo‘ja bo‘lgan.

Akademiya professori ma’ruzasida majmuaning bugungi kundagi ahamiyati haqida so‘z yuritdi.