Vatan bayrogʻi – gʻurur, umid va ishonch timsoli

O‘zbekistonning davlat ramzlari xalqimizning shon-sharafi, tarixiy xotirasi va intilishlarini o‘zida mujassam etib, shu yurtda yashovchi har bir fuqaroga g‘urur, faxr va iftixor bag‘ishlaydi. 

Shu bois, bayrog‘imiz yoki gerbimizga nazar solganimizda yoki madhiyamiz yangraganda biz ruhan jo‘shqinlikni, azmu shijoatimiz oshganini, qalbimizda g‘urur va buyuk istiqbolga ishonch tuyg‘usini his etamiz.

Oʼzbekiston Respublikasi davlat bayrogʼi qabul qilinganining 33 yilligi munosabati bilan O‘zbekiston xalqaro islom akademiyasida “Bayroq – milliy g‘urur va birlik ramzi!” nomli davra suhbati o‘tkazildi. 

Davra suhbatida “Islom tarixi va manbashunosligi IRCICA” kafedrasi professor-o‘qituvchilari G‘.Rasulov, T.Xatamov, N.Nasrullayev, H.Lutfullayev, tyutor B.Majidov hamda talaba-yoshlar ishtirok etdi.

Davra suhbatida davlat ramzlariga oid qiziqarli ma'lumotlar berildi. Talabalar o‘zlarini qiziqtirgan savollariga javob olishdi.